Articles avec le tag ‘Pierre Duquet’

Balade picarde “Sur les pas de Pierre DUQUET” entre Plachy et Prouzel

Le 15 octobre 2011 à 14h à la mairie de Plachy-Buyon

C’est un hommage à  Pierre Duquet, picardisant, instituteur précurseur et inventeur originaire de Prouzel Bas.  Le parcours passera par quelques endroits qu’il décrit dans ces textes. C’est à la fois la langue picarde et le patrimoine de Plachy et Prouzel si chers à Pierre Duquet qui seront présentés.
Animation gratuite organisée par la Com de Com
Rens. : Office de Tourisme de la Vallée de la Selle au 03 22 41 08 18

Le livre de Pierre Duquet « Da nou vallée d’Selle » sera en vente en fin de la balade.

Cours de picard IUTA à Plachy-Buyon

PIC = Verlée dins ch’poéyis ed Pierre Duquet

Ech preume de juin, ch’étoait ch’darin cours ed picard pour nous eutes avuc eune verlée rédeuse à Plachy, poéyis de ch’Marister ed Creuse, Pierre Duquet.
Rindez-vous à ch’parquinge de ch’Campusse por co-caretter chés gins. Os étoèmes point mille, point chint, jusse assez por foaire les doégts d’une main sins peu.
Tiodave, il étoait avuc esn ami Sam pi y avoait itou Christiane pi Cédric.
Ch’est Christiane qu’ale o prins Cédric dins s’carette. Ale vnoait ed foère des courses. Ch’cadot à reules, il o été ermisé dins ch’coffe avuc des concombes espagnols ! Ale o peur d’érien, Christiane !

Tchinze minutes ed route pi nous vlo à Plachy. Os y rtreuvons Françoèse. Tiodave il o infiqué es castchète maronne pi nous vlo parti.
Os dvisons ed Martin qui l’o coeupé sin mantieu. Os parlons ed l’église. Tiodave, y nous o lit « Aboèsse ech drop » qui parle d’un interremint mouveminté à Plachy.
El mairerie ed 2004 avuc sin mur in coeuchètes ed Lafleur (rouche pi blanc).
« Rindez-vous compte, meume ech warde-mahon, il o sin burieu eddins ! » nous dit eune élève qu’ale étoait vnue eune fois à l’permanince.
Os prindons el rue de ch’ Pont pour erbéyer des moésons vièles pi neuvèles.
Chés quaterlangues is étoètent lo : « Cho, est affreux ! – Bé qu’ale est rétuse, el moéson-lo ! »
Os trécopons el Selle por arriver à Tchou Plachy.

Pis lo, ch’calvaire il o cminché ! Comme un tchien fou, un joène épiné, no joène à cadot qui coeupe, qui trécope el route pour prinde des fotos d’eune rose, d’un pan d’mur in torchis. Soin à chés carètes !! Wate, il o des reus li itou !
El plache de Tchou Plachy, Frinçoèse ale ne l’erconnoait point sins ses barnums de l’fiète ed chés plantes. Pi ch’Christ au bout del plache, porquoé qu’il o quate cleus à l’plache ed troés ? Tiodave i donne chés esplications picardes pi foait el lirie dsur chés calorines ed Plachy.

Un décatour pèr el Coulée Verte pi nous vlo à Prouzel.
Coèr no galibier qui lusine à miler toute pi nous vlo edvint l’moéson de ch’Marister ed Creuse. « Mi, j’prinds eune foto de s’moéson ! I mérite bien cho ! » qu’ale dit Christiane.
« Quoé que ch’est qu’el cminée, la-bos ? » qu’ale ermarque Frinçoèse.
« Patienche, os y arrivons ! » foait Tiodave.
« Soin à ti, n’vo point t’noéyer ! » qu’ale crie Christiane in béyant Cédric s’rapprochant in molé d’trop de l’ieu à ch’barrage pour l’ouchine ed Prouzel.
Os sommes tertous émotionnés quind Tiodave nos lit « Chés chuques à Julia » edvint l’boulingerie. Des zans, des ringolinches, de djimeuve qui rapassent ed nos souvenanches de jonnesse à nos lippes.

L’ertour à Plachy, des bés pi l’promèche ed s’ervir au moédeut obin à ch’cours de picard ed l’IUTA. Eune fin bièle verlée rédeuse, rieuse pi amiteuse qu’ale o du foère gramint du plaisi à Pierre Duquet, ch’marister ed Creuse qu’il l’o seurmint milé de ch’coplet ed ses calorines.

Inscription au cours de picard à l’IUTA 2011/2012 = secretariat-iuta@u-picardie.fr

Prochaine visite de Plachy avec l’OT de Conty en octobre,

renseignez-vous au 03 22 41 08 18

FR = Visite du village de Pierre Duquet

Ce premier juin, c’était le dernier cours de picard pour nous avec une balade littéraire à Plachy, village de ch’Marister ed Creuse, Pierre Duquet.

Rendez-vous au parking du campus pour le covoiturage. Christiane range le fauteuil du plus jeune de nos élèves dans son coffre à côté des concombres espagnols. Même pas peur, Christiane !

15 minutes de route et on rejoint Françoise.

Commentaire sur l’église, Martin et son manteau et Tiodave qui nous lit un texte en picard sur un enterrement mouvementé à Plachy. La mairie de 2004 avec son mur en « chaussette de Lafleur » (rouge et blanc) « Rendez-vous compte, même le garde-champêtre a son bureau ! » nous précise une élève venue une fois à la permanence de la mairie. Nous remontons la rue du Pont.

Commentaires sur les maisons : « Elle est affreuse ! …. Tiens, elle est belle, celle-là ! »

Notre Cédric balade son fauteuil de roses en pan de mur en torchis pour prendre une photo.

Nous arrivons à Petit-Plachy. Françoise ne reconnaît pas la place qui accueille chaque année la fête des plantes. Et le calvaire, pourquoi a-t-il quatre clous à la place de trois ? Tiodave en donne les explications bien picardes. Lecture par Tiodave d’un texte de Pierre Duquet sur les peupliers de Plachy.

Un détour par la Coulée Verte et nous voilà à Prouzel.

On découvre la maison natale de Pierre Duquet et Christiane en fait une photo : « Il mérite bien cà ! ».

« Tiens, c’est quoi cette cheminée ? », remarque Françoise. « Patience, on y va » rassure Tiodave.

« Attention, ne va pas te noyer ! » crie Françoise en voyant Cédric s’approchant du barrage sur la Selle de l’ancienne usine de papeterie.

Nous sommes tous émus en écoutant Tiodave lire le texte sur « les bonbons de Julia » devant la boulangerie. Des goûts de zans, de réglisse, de guimauve nous font saliver.

Retour à Plachy, bisous et promesse de se revoir en été ou à la rentrée pour le cours de picard de l’IUTA.

Une promenade de découverte avec ses rires et sa bonne humeur qui a du faire bien plaisir à Pierre Duquet perché tout là-haut sur ses peupliers (calorines).

iv>