PIC = Ch’est ch’poéyis ed chés bourgoés matinés qui nos o atcheuilli inhui ! Monsieu Hermel, ch’maire ed Domart, i nous o fin bien erchu. Is ont del canche d’avoèr un maire comme cho à Domart ! Ech jornalisse ed l’Abeille de Ternoise il o suit eune grinde partie del visite.
Os ons erbeyé chés moésons ed tous les âges del plache pi apreu el fameuse moéson ed Chés Timpliers pi meume chés propriétaires ! Apreu un décatour à ch’molumint aux morts avuc chés martyrs ed Domart in 1944, os ons cminché l’grimpette dusqu’à ch’catieu. Pi lo, eune marveille, un donjon d’Hugues Capet, eune fin bièle église pi eune vue dsur tout ch’village !
D’ertour, chés visiteus is disoètent qu’est plus bieu equ Vezelay obin Gerberoy !

FR = C’est le pays des bourgeois matinés qui nous a accueillis aujourd’hui ! Mr Hermel, le très sympathique maire de Domart nous a accompagnés ainsi que le journaliste de l’Abeille de Ternoise. Nous avons admiré les maisons de toutes les époques de la place et la fameuse Maison des Templiers, bonjour amical à ses habitants ! Après un détour au monument aux morts avec ses martyrs de 1944, nous sommes repartis pour une ascension vers le château. Et là, une merveille, un donjon construit par Hugues Capet du Xème siècle, une église grandiose et une vue imprenable sur le village ! De retour, certains comparaient Domart à Vézelay ou Gerberoy !

Chés belles moésons del plache	Tiodave dvisant avuc monsieu l'maire
Un clotcher fin heut !
Chés bieux ornemints de ch'clotcher	Chés remparts de ch'catieu

Le 12 septembre aura lieu le 4ème Festival du Pipasso au château de Picquigny (www.amuseon.fr). Le dimanche, l’entrée est gratuite.
Il y aura de nombreuses associations (Ch’Lanchron, Ti pi Mi, Les Ménestriers Picards, etc…)  autour de la langue, la culture et la musique picardes MAIS il y aura aussi des entreprises de ce domaine !!!

L’atelier de Corwynn (Sam) présentera son modèle de pipasso « la muche à fou » sur son stand dans la cour de la collégiale.

El Ferme Grébénote (Tiodave) sera aussi présente sur le stand de l’atelier de Corwynn. Vous y trouverez notamment les prochaines dates de ses visites guidées.

Y faisoait fin coeud por no verlée à Oésemont !
Des gins d’Conty, d’Anmiens pi du Vimeu qu’is étoètent lo…
Apreu avoèr parlé ed chés malheurs ed l’église, os ons été vir el moéson d’chés Timpliers pi apreu os ons déchindu à ch’catieu ! Sié, yo un catieu à Oésemont!
Il falloait coèr parler ed Gobin Agache pi del prévoté pi apreu os ons millé chés ecminées !

Chaude après-midi à Oisemont !
Plusieurs visiteurs de Conty, d’Amiens et du Vimeu. Après avoir parlé des malheurs de l’église, nous sommes allés voir la maison des Templiers et ensuite le château! Oui, il existe un château à Oisemont !
L’histoire de Gobin Agache nous fut racontée en picard et passage par la rue de la prévôté.
Notre retour fut consacré à admirer les cheminées !

Samedi 28 août 2010 à 18h – Domart en Ponthieu

En parcourant quelques rues du village, c’est un bourg prestigieux du Ponthieu que vous allez découvrir.

Commentaires en français teintés de picard par Tiodave.

Rdv à la place Gaston Morin – Tarif : 4 € – Gratuit pour les moins de 12 ans

Renseignements / Réservations = 03 22 52 58 63 – grebenote@gmail.com

Samedi 21 août 2010 à 18h – Oisemont
En parcourant quelques rues du village, c’est un bourg prestigieux du Vimeu que vous allez découvrir.
Commentaires en français teintés de picard par Tiodave (www.grebenote.com)
Rdv à la place du Maréchal Leclerc – Tarif : 4 € – Gratuit pour les moins de 12 ans
Renseignements / Réservations = 03 22 96 95 76 – grebenote@gmail.com

Etre au courant de l’actualité picarde,

Connaître le calendrier des visites guidées,

Lire les textes picards de Tiodave,

Abonnez-vous à la GAZETTE GREBENOTE (parution aléatoire)

en envoyant un mail à grebenote@gmail.com !

Retrouvez ici la gazette du mois de juillet =

Gazette (juillet 2010)

6  fiefs pi 2 maires (Mr Hunet pi Mr Savoie)! A Marché l’cave, is n’sont point  compteux !

Chés patapoères d’achteure pi d’eutes ayant vétchu dins ch’poéyis, edz amoureux d’Albert, des gins d’Bouchoir pi chés raviseux d’moésons pi d’patrimoène, is étoètent tertous lo.
Merchi gramint à nos dux maires conme aiudes ed guide !
Eune récompinse à l’fin de l’visite, un décatour dins l’église ! Eune gronnée d’saints pi des trésors qu’os ons démucher !
NB = Chés chrijes sont abolites ichi pi os aimons bien des poères sins pépins !

Traduction en français sur simple demande

A chl’apéro Lafleur, os étoèmes 25 lo présints, 100 par l’tchoeur, 1000 par l’pinsée.

Sur el plache du Don d’Anmiens, des parabrairies à roéyures blanques pi rouches pi d’eutes à roéyures  rouches pi blanques, is étoètent rouches itou chés capieux, chés tricots d’pieu.
Un décatour por aller mon Facquier vir ses camarades ed bos. Un drapieu dsur chés épeules de l’estatue d’Lafleur. Pi lo, Lafleur pi Papa Tchutchul qui foètent del breakdinse dans chés rues. Dux journalisses de ch’Courrier Picard à tchestionner, à miler, à  prinde des photos.
No vlo parti dins ch’cabaret d’un eute cabotan, chti qui pisse. Trois tabes rassannées, chés bières commindées, un drapieu picard dépindu au bord de ch’canal avuc dux coeuchètes rouges pi blanches pi nous vlo plus d’troés eures à rire, boère pi canter à s’mémoère.
Chés boins fius is étoètent lo …
Chés tireux d’ficelle avuc Laurent Devime
Chl’intailleu d’cabotans Jean-Pierre Faquier avuc Lafleur pi Papa Tchultchul,
Chés camarades syndicalisses,
Chés conteux, berdleux avuc Ktrine, Geneviève
Chés joènes d’Ozyvo pi d’Conte à Mi avuc Kercoffe, ch’toneilleu
Chés canteux pi jueux d’musique avuc Adrien pi Sam
Chés théatreux avuc Tiotte Gadoux
Chés cultureux avuc Philippe Leroy, Chitcatt
Même Tiot Louis il avoait s’n habillure rouche pi Gaël qu’il étoait-ti rétu avec s’guernouillère rouche !
Pi surprinse ! A 10 eures du soèr, es femme Pascale, es sœur pi s’nieuche qui passent-té nous vir.
Edz amisses, des copains, des camarades, eune grinde famille picarde, du tchoeur, des rires, des canchons à l’Plache du Don …. Ch’étoait ch’don de ch’Lafleur !
In rintrant fin tard à l’moéson, in m’jouquant tout seul dins ch’froéd de chés drops, je m’sus sintu Sandrine… Os étoèmes tertous des Sandrine inhui ….
El 21 juyet 2010, Ch’Lafleur (Frédéric Domon) il o erjoint ch’gardin ed chés héros d’Picardie.

Un boèn artique dins ch’Courrier Picard est rare! Bon, ch’jornalisse y s’est un molé berluré!
A Franvillers, os visitons l’église ; à Warloy-Baillon, ch’est ch’village pi l’église ;
à Marcelcave, os visitons seulmint ch’village.

Mais tout cho, c’est PASSIONNANT !

Ozyvo, l’achuchon ed chés joènes ed Picardie, i feusoait el 3ème série de ch’ Tas d’Bos (Woodstock) el samdi 10 juyet 2010. Ch’Lafleur, ch’Lanchron, ch’dirigeu de ch’cinte cultchurel ed Longueau, ch’viche-persidint del Balle à l’Main is étoètent lo ! Du bieu monne !
Pis des joènes !….

16 ans, ch’est l’âge ed Gauthier, adiminché in jueu ed ballon au poing, qui l’o suivi toute el soérée à s’berlaffer pi rire ed boin tchoeur à chés cacoules pi chés diries.

12 ans, Benjamin, vlo pusse d’un moés qui réclame à s’mère d’aller à l’fiète ed l’Hayette. Lo, yo des concerts avuc des vrais musiqueux ! Pis y o des jux picards !

9 ans, l’âge ed Justine, l’tiotte fille à Janine, qu’ale m’o rapassé toutes chés dialogues in chti ed « Bienvenue chez les Chtis ! ». Ale est rédeuse de ch’flim-lo ! Pi achteure ale dminde des mots picards à s’grind-mère….

4 ans, d’pratique quasimint, Capucine…qu’ale étoait lo fier comme un co d’basse-cour avuc ses jus d’éson. (L’école ed Vaux sur Somme is ont ahansé un ju d’éson avuc des mots picards). Capucine ale étoait lo por vinde, un vrai agint commercial ! Du heut ed s’un mète d’heut, ale feusoait s’réclame por sin ju avuc el sérieux d’un pape !

3 ans, ch’cleu del soérée, Eliott, avuc sin timbour, qui l’o réclamé à Adou d foaire del musique picarde dsur scène ! Adou avuc s’guitare, Eliott avuc sin timbour in rythme… pi apreu deux canchons, ches gins edbout à appleudir !!!! Un grind momint !

Ch’maire d’Harponville (Monsieur Renaud), il o dit « Ch’Tas d’Bos, ch’est un rindez-vous que je n’voloais point minquer ! »

Traduction sur simple demande