Articles avec le tag ‘Le Hamel Bouzencourt’

Is sont vnus ed Le Hamel, ed Corbie, ed Fouilloy pi meume d’Anmiens. Ch’tan i l’étoét grimouche ed nuaches mais qu’importe ! El balade ale o cminché avuc chés pleuves. Os ons été vir el guinguette ed Bouzencourt adou qu’os euroèmes bien bu un tchot café. Mais os ons ratourné à l’capelle Notre Dame de Bon Secours.

Toudis dsous l’pleuve, os sonmes partis dins chés intailles. Tiotte Jeanne, ale étoait fin continte ed toutes chés fleurs. Des bétails picards ed chés marais is étoètent lo : chés boteux, chés herminettes,…. A ch’pont Saint Pierre, y avoét point d’minteus dins chés varonneux.

Ch’est à l’étang de Bracheux qui o arrêté d’pleuvoèr pi os ont pu miler chés bièles couleurs de l’ieu indormie. Marie-Greuète a l’o foait peur à no Jeanne mais y avoait des gobelins pour el protéger. Ch’ecmin d’artour os ont seuté dins chés flaques.

Eune belle balade avuc des gins amiteuses pi trimpées !