PIC = Os avez ieu tort… Y falloait ête lo… à l’série picarde avuc Adrien Helminiak pi Mauricette Cheval el 5 novimbe 2011 à Albert. « Rires et bonne humeur garantis » qui avoait d’martché dsur chés réclames. Ben ch’étoait point des mintiries.

Adrien nous o canté des canchons traditionnelles conme « Tiens, tiens, tiens » obin « Grincourt » et d’zeutes d’achteure « ch’cot qui pue », « t’in brais ». Il o meume été querre eune canchon d’Acadie pour apprinde chés gins à canter. Avuc sin corbéyon émeuvant, es djuitare afflateuse pi sin youkoulélé vertillant, chés pieds pi chés mains étoaient épinés. Invie d’baler pi frapper dins ses mains…Pi qué plaisi ed vir tertous insanne canter !

Mauricette, je l’o perzinté conme no matante chti qui vous laisse ed boènes souvenanches d’éfanche quand os allez l’vir. Avuc sin tricot martché « Mauri7 toudi prête », chés lippes étoaitent déjo à l’risette. A coeup d’télé-réalité, ed communication, ed réclames dins l’boète às lettes, elle o rinversé chés gins ed leus cadous por zé foaire tchère dins l’rire. Ch’coeup d’grâce (à Diu), ch’étoait l’esplitchation del messe ! Du rire à n’in braire. Os m’croéyez point ?! Ben dmindez à l’tchotte pouillette qui y avoait à ch’preume ring : « Je n’ai tellemint ri equ min maquillage il o coulé ! » Combien d’gins ? Ben, el salle ale étoait pleine, o n’o meume sorti des tabourets pour assir chés gins ertardataires.

 FR = Vous avez eu tort… Il fallait être là… à la soirée picarde le 5 novembre à Albert.

« Rires et bonne humeur garantis » disait la publicité et ce n’était pas un mensonge.

Adrien nous a chanté des chansons traditionnelle et d’autres d’aujourd’hui. Il est même allé chercher une chanson québécoise pour apprendre au public à chanter. Avec un accordéon émouvant, sa guitare caressante et son ukulélé taquineur, les pieds et les mains avaient la bougeotte. Envie de danser et de frapper dans les mains… et quel plaisir de chanter tous ensemble !

Mauricette, je l’ai présenté comme notre tante chti qui vous laisse de bons souvenirs d’enfance à chaque visite. Un maillot de marque « Mauri7 toudi prête » et les lèvres faisaient déjà risette. A coup de télé-réalité, de communication, de pub dans les boîtes aux lettres, elle a renversé les gens de leurs fauteuils pour les faire tomber de rire. Le coup de grâce (à Dieu) fut l’explication de la messe ! Pleurer de rire. Vous ne me croyez pas ?! Demandez à la jeune fille du premier rang : « J’ai tellement ri que mon maquillage a coulé ! »

Combien de spectateurs ? Salle comble ! Tabourets pour les retardataires.

 Prochaine soirée le 3 décembre avec Jean-Marie François à l’Escalier du Rire d’Albert

Les commentaires sont fermés.