PIC = Ch’tan il étoait un molé nacsieux mais ch’solé il o fini par percher chés nuaches. Chés rédeux d’verlée is étoètent lo, qu’is étoètent déjo vnu à Daours. Des gins ed Lamotte pi  itou ed Warfusée m’attindoètent dvint l’église. Ch’est par ale qu’o avons cminché el verlée, à erbeyer sin clotcher pi ses bieutés. Os sommes allés apreu à Montreuil, el rue pi os avons deschind à Warfusée pèr chés hailles. Un razieutement à chés neuvèles moésons pi os étoèmes à ch’fu rouche pi dvint l’église de Warfusée. Un darin décatour devant ch’puche de ch’poéyis pi par l’Aouelle et ch’Maire, Mr Dehurtevent, i nos attindoait por visiter l’église ed Lamotte. Os étoèmes ébeudis dvint chés fresques pi chés vitrails. Mr Dehurtevent nos apprind equ chés Molumints Historiques y vont raneuvir ech clotcher pi chés murs pi qu’aladon os frons apreu chés pintures eddins. Qué bonheur d’intinde cho ! Un coeup à boère offert par el mairerie pi ch’étoait pon coère fini… Ch’Maire nos o foait vir el plaque pi l’plache adou que ch’Général Foch il o ahansé ch’preume juyet 1916 avuc chés colonies. Une verlée rédeuse, amiteuse aladon bin picarde !

FR= La météo était capricieuse mais le soleil a finalement percé les nuages. Les amateurs de visite de village étaient là. Des représentants de Lamotte et Warfusée m’attendaient déjà devant l’église. C’est d’ailleurs par elle que nous avons commencé en admirant son clocher et ses ornementations. Ensuite passage à Montreuil (la rue) et une descente par le « Tour de ville » vers Warfusée. Un regard sur les maisons modernes et nous voilà au feu rouge suivi de l’église de Warfusée. Un dernier détour par le puits du village, l’Aouelle et le Maire, Mr Dehurtevent, nous attendait pour visiter l’intérieur de l’église de Lamotte. Nous restons ébahis devant les fresques et les vitraux. Les Monuments Historiques vont restaurer le clocher et l’extérieur et on projette de refaire l’intérieur. Quel bonheur d’entendre cela ! Un pot de l’amitié offert par la mairie et ce n’était pas fini !… Le maire nous emmène voir la plaque et l’endroit où le Général Foch a organisé l’attaque du 1^er juillet 1916 avec les armées coloniales. Une visite faite de curiosité et de convivialité donc bien picarde !

Les commentaires sont fermés.